ბათუმი, ტბელ აბუსერიძის 2/ ა.პუშკინის 164
📎2026 წლის 2–5 მაისს Radisson Blu Iveria Hotel მასპინძლობდა ალერგიის, ასთმისა და კლინიკური იმუნოლოგიის ერთ-ერთ მნიშვნელოვან საერთაშორისო სამეცნიერო ფორუმს — კონგრესს „GAACI meets WAO“. აღნიშნული ღონისძიება წარმოადგენდა მაღალი დონის აკადემიურ პლატფორმას, რომელმაც თავი მოუყარა როგორც ადგილობრივ, ისე საერთაშორისო ექსპერტებს, ხელი შეუწყო თანამედროვე მტკიცებულებებზე დაფუძნებული ცოდნის გაზიარებას და ინტერდისციპლინურ თანამშრომლობას.
კონგრესი განსაკუთრებულად სიმბოლური იყო, რადგან World Allergy Organization (WAO) აღნიშნავდა დაარსების 75 წლის იუბილეს, ხოლო Georgian Association of Allergology and Clinical Immunology (საკია) — 15 წლის იუბილეს. ეს ორი მნიშვნელოვანი თარიღი ხაზს უსვამს საქართველოს მზარდ როლს ალერგოლოგიისა და იმუნოლოგიის გლობალურ სამეცნიერო სივრცეში.
კონგრესის ფარგლებში განხილულ იქნა ალერგიული დაავადებების, ბრონქული ასთმის, იმუნური სისტემის დისფუნქციების, ბიოლოგიური თერაპიების, პერსონალიზებული მედიცინისა და ახალი დიაგნოსტიკური მიდგომების თანამედროვე ასპექტები. განსაკუთრებული ყურადღება დაეთმო ტრანსლაციურ კვლევებსა და კლინიკურ პრაქტიკაში ინოვაციური მეთოდების ინტეგრაციას.
▫️ღონისძიებაში აქტიურად იყვნენ ჩართული ჩვენი კლინიკის წარმომადგენლები — ექიმები ციცინო ჟორჟოლიანი და ლია აბულაძე, რომლებმაც წარმოადგინეს საკუთარი კლინიკური და სამეცნიერო გამოცდილება, გააზიარეს აქტუალური კვლევითი მონაცემები და ღირსეულად წარმოაჩინეს ქართული სამედიცინო საზოგადოების პროფესიული პოტენციალი საერთაშორისო აუდიტორიის წინაშე.
▫️აღნიშნული კონგრესი კიდევ ერთი მნიშვნელოვანი ნაბიჯია საქართველოს ინტეგრაციისთვის გლობალურ სამეცნიერო და კლინიკურ ქსელებში, რაც საბოლოოდ ემსახურება პაციენტთა მოვლის ხარისხის გაუმჯობესებასა და თანამედროვე მედიცინის განვითარების ხელშეწყობას